seselan utawi imbuhan wonten tengah (Infiks)

PEMBAHASAN

SESELAN UTAWI IMBUHAN WONTEN TENGAH

(INFIKS)

Seselan ing basa Jawi cacahipun wonten 4 inggih menika (-um-, -in-, -er-, saha –el-)

1.    Seselan {-um-}

Seselan –um- ugi sinebat rimbag bawa ma, amargi ingkang dipunseselaken ing tembung lingga menawi kanthi apurwa vokal seselan –um- malih dadod m- lan dunung utawi mapanipun wonten ngajeng. Tuladha:

1)  

atur        +     (-um-)                     umatur                 matur

2)  
ili           +     (-um-)                     umili                     mili

3)   Esem     +     (-um-)                     umesem                mesem

4)   Ulur       +     (-um-)                     umulur                 mulur

Seselan {-um-} saged andhapuk tembung kriya tanpa lisan (verba intransitif) lan saged andhapuk tembung sipat (kaanan utawi watak); aksara /p/ malih dados /g/; wondene ater-ater nasal (a-) seged andhapuk tembung kriya mawa lesan (verba transitif). Tuladha:

1)   Laku      +     (-um-)                     lumaku

2)   Tindak   +     (-um-)                     tumindak

3)   Singkir   +     (-um-)                     sumingkir

4)   Gagah    _­+     (-um-)                     gumagah

5)   Bagus    +     (-um-)                     bumagus

Seselan {-um-} menika kaginakaken wonten ing ragam buku utawi pangandikan resmi, pustaka, lan krama. Wondene seselan {-um-} kaginakaken wonten ing pangandikan informal utawi boten resmi, basa padintenan.

2.    Seselan {-in-}

Seselan {-in-} ugi dipunwastani rimbag tanggap na, jalaran tembung lingga ingkang kaseselan {-in-} mesthi dados tembung kriya tanggap (kata kerja pasif).

(1)   Seselan {-in-} menawi kasambung tembung lingga ingkang kawiwitan vokal, seselan {-in-} malih dados {-ing-} lan dumunung utawi mapan wonten ngajenganipun tembung. Ananging menawi purwanipun tembung awujud konsonan lan tembungipun pikantuk seselan {-in-}, boten ngalami ewah-ewahan.

Tuladha :       a)  apura      +     {-in-}              inapura                        ingapura

                      b)  embu      +     {-in-}              inimbu             ingimbu

                      c)  edum     +     {-in-}              inedum                        ingedum

                      d) tulis        +     {-in-}              tinulis

                      e)  sapu       +     {-in-}              sinapu

(2)   Seselan {-in-} katambah panambang {-an, -ake/ -aken, -a/ -ana, -na}

Tuladha : tigangisan, tinangisana,tinumbasana, tinumbasaken, ginawanana, binukakna.

3.      Seselan {-er-} lan {-el-}

Seselan {-er-, -el-} gunggun utawi cacahipun namung sekedhik, jalaran, boten sedaya tembung saged kawuwuhan seselan {-er-} lan {-el}. Seselan {-er-} asring dados {-r-}, lan seselan {-el-} asring dados {-l-}.

Tuladha :    1)    congat        + (-er-)                 cerongat              crongat

                   2)    kelip           + (-er-)                 kerelip                 krelip

                   3)    titi              + (-el-)                  teliti                     tliti

                   4)    guruh          + (-el-)                  geluruh                gluruh